Die gewysigde Wet op Eiendomspraktisyns verplig alle eiendomspraktisyns om ‘n BEE-sertifikaat in te dien as voorvereiste om te mag praktiseer. Praktisyns wat nie aan BEE wil of kan deelneem nie moet kostes aangaan om ‘n sertifikaat te bekom wat hul BEE-deelname bevestig. Die nuwe Wet veroorsaak dus BEE-verwante uitgawes selfs vir nie-deelnemers aan BEE, en maak die deur oop vir nog meer omvattende BEE-dwang in die industrie. 

Sakeliga stuur litigasie van stapel om dele van die Wet op Eiendomspraktisyns wat BEE verplig, onwettig en ongrondwetlik te laat verklaar. Sakeliga is gekant teen BEE, des te meer waar dit ingespan word as ’n vereistes om enigsins ’n beroep of professie te mag beoefen. Litigasie is in hierdie geval nodig om die skakel tussen BEE en sertifisering vir eiendomspraktisyns te breek.