Sakeliga Uitvoerende Direkteur en ekonoom Russell Lamberti sal praat by die komende Adopting Bitcoin Cape Town-konferensie by die Kaapstadse Internasionale Konferensiesentrum op 26 – 28 Januarie 2024. Sy toespraak sal Sakeliga se strategie uiteensit vir die ontwikkeling van skaalbare oplossings vir staatsverval en die bevordering van ‘n florerende ekonomie wat sal bestand wees teen skadelike staatsinmenging.
Die konferensie word gesien as ‘n forum om instellings, besighede en entrepreneurs bymekaar te bring wat parallelle oplossings binne en buite die Bitcoin-ekonomie ontwikkel. Met plaaslike instellings wat alternatiewe skep te midde van staatsverval, en Bitcoiners wat ‘n alternatief vir staatsbeheerde geld wil smee, beloof die konferensie om ‘n samevloeiing van idees vir onafhanklikheid en strategieë vir staatsbestande besigheid te wees.
Ricki Allardice, stigter van Bitcoin Only verduidelik “Die wêreldwye ontwikkelende landskap weerspieël toenemend Suid-Afrika se institusionele uitdagings. Soos tradisionele strukture wankel, word die kundigheid van Suid-Afrikaanse parallelle instellings van onskatbare waarde vir die Bitcoin-gemeenskap. Behalwe vir monetêre oplossings, bied hierdie instellings diepgaande insigte in die bou van vrye en welvarende samelewings.”
“Die konferensie het ten doel om deurslaggewende dialoog tussen hierdie groepe te begin, om integrasie, deelname en wedersyds voordelige besprekings te bevorder. Dit poog om ‘n platform te bied vir aksiestappe wat die veerkragtigheid van die Bitcoin-gemeenskap en plaaslike parallelle instellings verbeter. Sluit by ons aan vir hierdie baanbrekergeleentheid terwyl ons die weg baan vir samewerking, die versterking van anti-broosheid en betekenisvolle verandering dryf.” Allardice sluit af.
Kaartjies is hier beskikbaar.