Sakeliga verwelkom die besluit om die Wysigingswet op Diensbillikheid (EEAA) teen te staan, wat vandag op uitnodiging van Solidariteit deur meer as dertig organisasies onderteken is.
Die EEAA sal nie net verslaan word deur ondernemings wat die implementering daarvan organies weerstaan nie, maar belangriker ook deur die gekoördineerde en groeiende opposisie van onafhanklike organisasies in die sake- en burgerlike samelewing en politieke partye. As mede-ondertekenaar sien Sakeliga uit na voortgesette samewerking met die ondertekenaars rakende litigasie, openbare voorspraak en ander internasionale en plaaslike pogings om die Wet teë te werk.
Die EEAA het geen vooruitsig op suksesvolle implementering nie. Uiteindelik vereis dit dat elke besigheid oral in die land in elke dimensie die rasse- en ander demografiese verhoudings van die nasionale bevolking moet weerspieël. Namate daar gepoog word om die Wet te implementeer en af te dwing, sal dit weerstand verkry vanaf sakegemeenskappe wat geen ander keuse het as om hierdie onmoontlike, skadelike en moreel onaanvaarbare Wet te vermy of te bestry nie.
Organisasies wat vandag bygewoon het, het burgerlike organisasies en politieke partye ingesluit, met meer as die helfte van die organisasies wat sakegefokus is en wat oor bedryfsorganisasies, sakekamers en werkgewersorganisasies strek.
Sakeliga se regspan is tans besig om ‘n hofaansoek voor te berei met inagneming van die openbare belang aspek van ‘n gunstige sakeomgewing. Ons sal in die loop van Junie 2023 verdere aankondigings hieroor maak.