Doen jy sake in die groter Pretoria-omgewing? Dan is jy uitgenooi!

Die Pretoria Sakekamer gaan Pretoria herbou en vestig tot ‘n wêreldklas sakesentrum. Ons gaan dit doen ondanks staatsverval en selfstandig van die politiek. Die kuur vir munisipale- en infrastruktuurverval is selfstandige sakelui.  

Die Pretoria Sakekamer onderhandel nie met enige politieke party of instelling nie. Ons neem self verantwoordelikheid en eis verantwoordbaarheid. Ons snoer ekonomies aktiewe sakelui en ondernemings met sakebelange in Pretoria saam. Ons is ‘n dinkgroep, ‘n doengroep en ‘n drukgroep wat ook by Sakeliga, met hulle indrukwekkende litigasierekord, geaffilieer is.  

Ons oproep aan ondernemings in Pretoria is eenvoudig. Wees saam met ons rentmeesters vir die stad. 

As jy jou onderneming by hierdie visie sien inpas, is jy welkom by die Pretoria Sakekamer se bekendstellingsgeleentheid op 16 Maart 2023 tussen 08:00 en 10:00 by Doxa Deo in Brooklyn. Ons sprekers is Piet le Roux, uitvoerende hoof van Sakeliga, Dawie Klopper, beleggingsekonoom van PSG Konsult Pretoria-Oos en Neerejh Ramlakhan, stigter en uitvoerende hoof van die AOS Groep.