Die Ramptoestand, asook enige voortsetting daarvan in ander regulasies en wetgewing, moet in geheel opgeskort word. Die regering moet ook verhoed word om in die toekoms die Wet op Rampbestuur te gebruik om drakoniese inperkingsmaatreëls in te stel.

Sakeliga bring daarom ‘n hofsaansoek in die Hooggeregshof in Pretoria om die nuwe “tydelike” nasionale ramptoestand in SA te beëindig. Sakeliga vra onder andere dat die Nasionale Rampbestuursentrum se versuim om te bepaal of Covid-19 aan die definisie van ‘n “ramp” voldoen, onwettig en ongrondwetlik verklaar word, en dat die mees onlangse verlenging van die Ramptoestand in Februarie, 2022 en die verdere kunsmatige verlenging in April ter syde gestel word. Sakeliga vra ook dat die Minister se verlenging van die Ramptoestand in afwesigheid van ‘n klassifikasie van die Nasionale Rampbestuursentrum van Covid-19 as ‘n “ramp” en “nasionale ramp”, onwettig en ongrondwetlik is